logo

U16 RCA "Insel Air" y U18 RCA "Interprint" a titula Campeon!!!

Despues cu luna pasa U14 RCA "Aruba Bank" a titula Campeon ganando Britannia e final lifida B, siman pasa RCA ta sigi cosecha exito den futbol hubenil. Tawata un bataya basta fuerte cu RCA "Insel Air" a hiba cu Washington den playoff U16, ganando  cu score 4-1 y perde cu score 4-1. Den e prome partido di e gran final e wega ta empata 1-1. Den e di dos wega di final RCA ta pika 3-0 dilanti pero Washington ta bin bek cu dos gol y pone RCA bou preshon pero na final e Soldatnan hubenil ta sali vencedor 3-2 y captain Glenbert Croes ta ricibi e trofeo di AVB pa ekipo completo lanta e Copa di Campeon divishon menor. Un dia despues ta U18 RCA "Interprint" ta topa Estrella den di dos wega di final divishon major. Despues cu durante campeonato regular, Estrella a gana RCA na dos ocashon, den playoff cos a bolter. El General Valdez a hasi ahustashon pero asina mes prome wega playoff ta caba 1-1. Den di dos wega playoff RCA ta logra gana Estrella pa prome biaha 2-1 despues di cai atras 1-0. Pa locual ta e final, den e promer wega RCA ta bolbe cai atras 1-0 pero ta bolbe bons bek cu 2 gol pa bai cu e victoria 2-1. Den e ultimo wega di final RCA tawata mucho mas superior y ta vence cu 5-2 pa bai cu otro titulo hubenil. Captain Bart van Haren a ricibi e trofeo di AVB pa asina ekipo completo lanta e Copa di Campeon. Pabien na Jeanpierre van der Linden cu a gana e premio goalgether. RCA kier felicita Staf y tur su hungadornan cu fuera di reforsa hoofdklas tambe a logra den nan categoria. Na tur ekipo cu a participa na e campeonatonan y sigur e finalistanan un palabra di gratitud pa hasi e campeonato posibel y sigur AVB. RCA por resumi un anja super exitoso jegando final den tur divishon di futbol na Aruba. Titulando Campeon den U14, U16, U18 y Divishon Honor cu a marca historia cu un temporada inolvidabel. Campeon Copa Don Elias September 2015, Campeon Copa Interinsular Bonaire November 2015, Campeon Copa Betico Januari 2016, Campeon Campeonato Regular 2015-2016 cu un record nobo 51 punto y Campeon di Aruba 2015-2016. Guardian Group, Wendy's, V-8 Splash, Vega Dental, Subway, Aruba Bank, Insel Air, Interprint, Neutrogena, Welcome Back Snack, Big Wheel Lottery y Powerade di Tropical Bottling Company masha danki pa sostene e organisashon deportivo di mas grandi na Aruba.