logo

Torneo Himno y Bandera 2016 den tennis di mesa lo wordo hunga e dianan 15 y 25 di maart

E tradicion di mayoria federacion di deporte na Aruba ta pa celebra e fecha 18 di Maart cu un dia deportivo pa nan atletanan. Un di e federacionnan aki ta Aruba Table Tennis Association (ATTA) cu e aña aki lo organisa e torneo Himno y Bandera e dianan 15 y 25 di maart. E prome dia di torneo esta 15 di maart lo ta den e categoria di masters unda nos lo por mira hungadonan manera Franklyn Lopes, James Letren, Mario Croes, Wingchow Leong y su ruman Alfred Leong como tambe tur e otro hungadonan veterano di Aruba di e temponan aya. Mas cu claro e weganan lo wordo hunga den Centro Deportivo Betico Croes na St Cruz y lo cuminsa pa 8or di anochi. E celebracion di nos Himno y Bandera lo sigui diabierna 25 di maart unda lo bay tin competencia den e categorianan di U-10, U-13, U-18 como tambe B-klas y A-klas. E weganan aki lo inicia ya for di 5or di atardi pa e mas jongnan mientras e A y B klas lo cuminsa pa 8or di anochi. Lotto, e loteria di Aruba ta masha contento cu federacionnan di deporte cada aña ta organisa eventonan deportivo conmemorando nos dia nacional Himno y Bandera 18 di Maart.