logo

Tanto landamento como synchro lo celebra nos dia nacional Himno y Bandera

E aña aki un total di dieztres federacion deportivo tin riba nan programa pa celebra nos dia nacional Himno y Bandera cu eventonan deportivo. Un di e federacionnan aki ta Arubaanse Zwembond cu lo organisa dos dia di competencia pa nan atletanan di landamento y landamento sincronisa. Riba diaranzon anochi, 16 di maart pa 7’or di anochi lo inicia cu e competencia di landamento mirando cu varios di e atletanan participante lo tin compromiso algun dia despues den e competencia di CARIFTA na Bahamas. E biaha ki e landadonan lo por competi den e categorianan di 6 aña y menos, 7-8aña  , 9-10 aña, 11-12 aña, 13-14 aña, 15- 17 aña y 18 aña y ariba. E miho atletanan di e demas clubnan di landamento na Aruba lo ta den lucha pa gana medaya den e diferente categorianan disponi.

E competencia di landamento sincronisa, lo ta algun dia despues esaki diadomingo 20 maart y lo inicia pa 9or di mainta cu e competencia den figura y despues pa 11.30 lo sigui cu e competencia di e diferente rutina nan. Lo competi den Solo y Duet den e categorianan 12&U, 13 - 15, 16 - 18 mientras den Team lo tin 12&U y 13 – 15. Arubaanse Zwembond ta invita un y tur pa bin apoya nos atletanan acuatico den nan competencianan den piscina Olimpico Roly Bisslik na Savaneta.