logo

Seleccion nacional di basketball 16&under a bataya bon den e Caribbean Basketball Confederation 2016 Championship

E pais di Guyana a host e Caribbean Basketball Confederation 2016 Championship den e deporte di basketball den e edad di 16&under. Diabierna anochi e seleccion di Aruba bou guia di entrenador Antonio D'albero a biaha pa torneo aki. Mester bisa cu varios pais hunto cu Aruba lo ta batayando pa e titulo maximo durante di e competencia aki. Paisnan compitiendo ta Aruba, Antigua, Bahamas, Dominica, Jamaica, Virgin Islands, Tortola, Trinidad & Tobago, Suriname y e pais host Guyana. E seleccion di Aruba a conoce un bon preparacion pa e torneo aki unda a entrena casi 3 luna bou guia di tres coaches consistiendo di un coach international y dos coach local. Mester bisa cu nos muchanan a hunga nan prome wega diadomingo y ta perde den forma dramatico di e pais host esta Guyana cu e score preta di 60 – 58. Riba e di dos dia si, Aruba a logra nan prome victoria contra di Trinidad & Tobago unda nan ta gana cu e score di 77 – 59. Diamars nochi den un bon bataya na comienso, pero despues di varios “turnovers” Aruba ta perde di Surnam cu e score di 80 – 68. Aruba Basketball Bond kier a yama un danki na tur cu a aporta na e biahe panos atletanan por competi na e torneo internacional aki. Un palabra di exito na nos muchanan durante di e torneo internacional na Guyana.