logo

Seleccion di softball femenino a sali pa campeonato Sur Americano de Softbol Femenino Sub-15 cu lo tuma luga na Chincha, Peru.

Recientemente e seleccion di Aruba femenino di softball U-15 a sali pa e competi den e campeonato Sur Americano de Softbol Sub-15 cu e aña aki lo tuma luga na e ciudad di Chincha, Peru.  E torneo ta cay bou di e campeonato di Concursa lo ta bon representa e aña aki. Na e torneo cu lo tuma luga e dianan 5 pa 11 di october, na banda di Aruba lo conta cu participacion di paisnan manera Colombia, Brasil, Bolivia, Ecuador y e propio pais anfitrion Peru.

Nos seleccion nacional di softball femenino a hiba varios luna di preparacion pa e torneo aki unda a entrena casi tur dia riba condicion y tecnica di wega. Hunto cu e seleccion a biaha e coachnan Carmelita Haynes, Marina Haynes y Lionel Richardson. E deporte di softball femenino ta den pleno desaroyo unda mas y mas hobencita ta afilia nan mes na e organisacionnan di softball na Aruba. E campeonato di softball femenino organisa pa Aruba Softball Bond ta bayendo den bon forma cu weganan tur siman na diferente tereno rond di nos isla. Algun luna atras, un seleccion femenino di softball den e edad di 12 – 14 aña a competi na e Junior Little League softball na Guaynabo, Puerto Rico y a sa na duna bon bataya den e torneo Latino  Americano.