logo

Scherm Amateur Bond Aruba lo organisa su ultimo competencia na honor di Sr. Jerry Gomes, den felis memoria

Despues di e exitoso Arubaanse Kampioenschappen den e deporte di esgrima, e federacion di esgrima, S.A.B.A ta cla pa organisa nan ultimo competencia pa clausura e aña deportivo 2015. Diadomingo awor 13 di december, S.A.B.A lo organisa nan ultimo competencia pa tur e clubnan miembro di esgrima cu Copa Jerry Gomes, den felis memoria.

 

Scherm Amateur Bond Aruba ta duna honor sr. Jerry Gomes, na bida un persona cu a sirbi e deporte di Aruba grandemente y semper tabata cla pa duna un man na tur esnan cu tabata tn mester di ayudo. Pa hopi aña, Sr. Jerry Gomes tabata director di IDEFRE conoci awe como Ibisa. Na Aruba tin tres club di schermen na Aruba cu ta Universal Fencing Club, Scherm Club Brazil y Don Bosco Knights. E Copa Jerry Gomes lo tuma luga na Christo Rey School na Brazil, mientras e ta programa pa cuminsa pa 10or di mainta.

Mester bisa cu den e ultimo añanan e deporte di esgrima a bira uno masha popular sigur bou di nos hobennan, unda un cantidad grandi ta practica e disciplina Olimpico aki.