logo

Scherm Amateur Bond Aruba lo celebra Dia di Rey cu competencia di esgrima 2015.

 Diadomingo awor 26 di april, e federacion di esgrima, SABA lo ta celebrando Dia di Rey organisando un competencia di un solo dia pa tur su miembronan. E competencia lo inicia pa 10or di mainta, mientras cu e sala di Maria Regina School lo fungi como e cas di esgrima pa e evento aki.  

 

Den e ultimo añanan e deporte di esgrima, cual ta un deporte Olimpico a bira masha popular unda mas y mas persona ta bira miembro di un club di esgrima. Principalmente nos hobennan a cuminsa mustra interes den e deporte di spada. Notabel ta cu nos atletanan di esgrima a cuminsa na competi riba plataforma internacional den nos region cual ta un muestra cu e disciplina, dedicacion y boluntad pa logra lo maximo t’ey. Mas cu claro un y tur tin cu apoya e esfuerso di tur esnan envolvi.