logo

SARAH-QUITA TA TRAIN PA E DISCIPLINA OLA NA E ARCHIPIELAGO ISLAS CANARIAS

Las Palmas di  Gran Canaria- Desde Islas Canarias Sarah-Quita Offringa ta conta di su competencia na na e peninsula Sur-Corea. Despues di biaha durante 24 ora  desde Amsterdam via Istanbul y Seoul e ta yega Busan den parti Sur di Sur-Corea. E competencia ta e promer pa e anja di Professional Windsurfing Association (PWA)unda den e division femenino tin 20 regatista registra. E formato di competencia a cambia compara cu e anjanan anterior  pa  duna e regatistanan nobato mas chance pa clasifica den e promer vuelta. Segun bo ranking bo ta sigui pa e siguiente vuelta. Sur-Corea ta un area di biento hopi lihe cu corriente fuerte. Den un siman  a logra hasi un careda clasificatorio y un careda di eliminacion unda normalmente tin a lo menos un eliminacion cu 2 careda clasificatorio pa dia. En bez di minimo 8 eliminacion ta solamente 1 a tuma lugar. E situacion aki ta causa hopi nerviosismo y cansancio entre e regatistanan pa motibo di tanto wardamento pa e biento aumenta. Cu e condicionan aki bo no por pifia como cu bo no tin chance mas pa coregi cualkier eror. Finalmente Sarah-Quita ta termina na di dos lugar y Lena Erdil di Turkia na promer lugar y Delphine Cousin di Francia na di tres lugar.  

 

 

 

 

Den e promer  careda clasificatorio Sarah-Quita ta logra gana  e careda clasificatorio pa por participa den e promer careda di eliminacion. Promer cu e careda di eliminacion por a inicia tawatatin hopi contra tiempo. E anker di e boto di salida ta los 3 biaha , siguentemente un regatista ta den posicion delanta y ta ser descualifica. Unabez e careda por a tuma lugar ya un ora y mey a pasa. Sarah-Quita tin dificultad pa calcula e distancia y velocidad ora biento ta lihe y ta penultimo pa yega e promer boei y tin  balente hopi trabow pa recupera  tereno ariba su contrincantenan. Sin embargo  ariba e distancia pa e segundo boei e ta pasa 4 di su contrincantenan y ta yega como promer den e segundo boei . Hustamente e biento ta bira mas lihe y e tin cu pomp tur cu tin pa genera biento cu su vela. Aki e regatistanan mas chikito y di peso pluma  ta probecha di su desbentaha. Pa Sarah-Quita entrega no ta un opcion y ta dera trot den bom y ta pasa di posicion tres pa e segundo lugar. Sarah-Quita ta comenta cu e careda aki tawata despues di hopi tempo uno de exitacion. E tin cu reconoce cu ora biento ta lihe e tin dificultad pa calcula su salida bon como cu e ta sur estima e distancia pa yega e boto di salida na tempo. Pa motibo di e biento lihe e no por accelera mes rapido pa rectifica e malcalculacion di distancia. lugar

 

Mirando bek riba mi temporada di train desde December pa April  promer cu e PWA Tour a cuminsa mi ta ripara cu biento a cai na diferente lugar cu mi a bai train manera Bonaire, Hawaii, St. Barth. Na Islas Canarias e lugar Pozo Izquierdo na Gran Canaria ta conoci como un Molina di biento feroz cu ta produci biento entre 25 pa 40 nudo.  Pa e siguiente competencia den e disciplina wave (Ola) na Islas Canarias cu ta tuma lugar na Tenerife y Gran Canaria mi ta probecha pa pasa un luna ta train na diferente lugar na e e isla Gran Canaria cu ta un di e 7 islanan di e archipielago islas canarias cu ta pertenece na Spanja