logo

Russell Beneby e coach asistente di Merca lo bay ta na Aruba pa duna training di Taekwondo.

Russell Beneby a yega di bin Aruba na varios ocasion caba, sea pa participa na nos campeonatonan hunto cu su atletanan como tambe pa duna training na nos atletanan di Aruba.

Awor tin oportunidad e siman aki atrobe pa train hunto cu e Mericano aki cu a logra varios medayanan Internacional y ta coach e delegacion di Merca na varios campeonato. Na Aruba Erica Barry di San Nicolas Taekwondo Center bou guia di Master Eric Barry ta e unico atleta cu a logra di gana Merca aki na Aruba. Awor cos a cambia, pasobra nos atletanan a crece hopi mas y ta cla pa enfrenta cualkier hende.

 

Russell Beneby lo bay ta na Aruba for di diamars dia 12 te cu 17 di Juli y ta bay duna training na Tarcisius Kleuterschool na Brazil. Diamars y diahuebs for di 4’or pa 6’or di atardi y diaranson y diabierna for di 5’or di atardi pa 7’or di anochi. Si abo ta desea di train hunto cu Russell Beneby, ata bo oportunidad unico pa e siman aki y pa solamente 50 florin. E unico cos cu bo mester haci ta presenta na Tarcisius Kleuterschool na Brazil cu bo 50 florin y bo ta ON.