logo

Russell Beneby a yega Aruba pa e camp training.

Diamars atardi ora cu Russell Beneby a yega for di Merca e la wordo sorprendi na Airport.
For di Airport a hiba Russell Beneby di biaha na Tarcisius Kleuterschool y tabata tin atletanan presente di Brazil Taekwondo Stichting, Venezuela, San Nicolas Taekwondo Center y di Master Fransisco Ras.
 
Russell Beneby a duna di conoce cu su trip pa Aruba ta dushi y cu semper e lo sigui bin bek pa asina mira con e muchanan ta desaroya nan mes den Taekwondo. Mirando cu semper ta bon pa sigui un atleta su desaroyo for di chikito te cu ora e bira un prospecto pa un Mundial of Olympiada.
E la mira cu tres atleta a bini for di Venezuela y ta mustra cu e ta mas cu bon bini aki na Aruba y ta sinti su mes hopi orguyoso cu su trabou ta bon gusta aki na Aruba.