logo

Russell Beneby a reuni hunto cu Brazil Taekwondo Stichting.

Diamars anochi Russell Beneby a reuni hunto cu e directiva di Brazil Taekwondo Stichting tocante su plan di entrenamento cu e la traha pa e siman aki cu e ta na Aruba.
Russell Beneby ta train e coachnan di Merca pa nan sa con pa coach y train nan atletanan tambe.
 
Russell Beneby a ripara un progreso den e team di Train Hard Fight Smart cu ta bon, pasobra e prome generacion a bay pa dilanti y e otro generacion cu ta bin nan tras ta siña for di esunnan nan dilanti. Esaki por mira claramente den e team di TK5, unda cu nos tin 4 aña consecutivo ganando e copa na Surinam y 3 biaha na Corsou. 
Russell Beneby a remarca cu esey ta un di e motibonan cu Alemania ta semper den e cuart final, door cu nan tin un bon plan pa nan hobennan hinca den otro.
 
Russell Beneby su pregunta tabata cuanto biaha pa siman sa train na Brazil taekwondo Stichting y kiko tur sa haci durante di training y kiko ta e plan cu Brazil Taekwondo Stichting tin pa e aña aki ainda. Russell Beneby a trece masha hopi cos sumamente importante pa dilanti relaciona cu e Taekwondo di awendia. Un di e preguntanan tabata kiko tur por spera di Russell Beneby. Awor Russell Beneby ta preparando un di nan atletanan pa e Olympiada y despues e lo focus ariba e campeonato mundial. Russell Beneby a bisa cu lo ta bon pa haci e camp training aki tur aña pa asina e por keda mantene e liña di estrecho y pe sigui crece.