logo

Russell Beneby a duna su prome les di Taekwondo na Tarcisius Kleuterschool.

E Mericano Russell Beneby coach interino di Merca a bin Aruba special pa duna training na e atletanan di Aruba y a duna su prome training diamars.
Russell Beneby ta masha contento di ta bek na Aruba. Russell Beneby a comenta cu e muchanan a crece masha hopi mes, specialmente Rasheed y Hakeem Lowe, Zahyon y Jourdé Klabér.
 For di dos aña pasa te cu awor Russell Beneby a comenta cu esey ta bon pa mira. Mirando tambe cu nan a crece hopi den Taekwondo y cu awor e wega di Taekwondo ta cambiando masha hopi mes y ta haci cu e trainingnan cu ta wordo duna awendia ta na base di locual cu mester haci pa por score punto.
 Mester ta mas cera cu nunca pa asina e contrincante no por score punto ariba bo. E sistema electronico a wordo adapta masha hopi mes y mester custumbra na esaki pa asina por score punto. Taekwondo di antes ta un Taekwondo cu hopi di nos ta desea, pasobra bo mester bringa masha hopi mes y bo tabata mira masha hopi tecnica mes. 
Awendia ta un pia ta wordo usa mas tanto y ta score mester score pa haña punto.
 
Russell Beneby a comenta tambe cu e ta masha contento di por mira invitadonan for di Venezuela, Master Chico Ras y Master Eric Barry di San Nicolas Taekwondo Center hunto cu algun atletanan presente. 
Su training lo sigui e siman aki cu e focus ariba kiko tur ta wordo usa hopi na e campeonatonan y e ta spera cu esaki lo por ta un empuge pa e atletanan di Aruba.