logo

Resultadonan di tennis di mesa “Copa Betico Croes 2016”

Riba dos diamars e federacion di tennis di mesa, A.T.T.A a tene su torneo anual Copa Betico Croes den Centro Deportivo Betico Croes. Ta bon pa bisa cu riiba ambos dia e cantidad di participante tabata grandi unda un cantidad grandi di hungadonan den tur edad a haci acto di presencia pa asina engrandece e torneo aki. Mester bisa cu riba e prome diamars a organisa e torneo den e categoria di Masters y aki e hungadonan cu mas experiencia den e deporte di ping pong na Aruba a enfrenta otro. Na prome luga a termina Franklin Lopes kende den final a logra gana Alfred Leong kende a keda na di dos luga. Na di tres luga a termina Wing Chow Leong y na di cuater luga James Letren, na di cinco luga Mario Croes Jr y na di seis luga Rony Reyes.

Diamars ultimo a sigui cu e torneo e biaha aki den e categorianan di infantil, hubenil, B-klas y A-klas. Pa loke ta e resultadonan final den e categoria infantil U-13 nos ta haya cu e hoben Bob Chung a bay cu e titulo di campeon, mientras na di dos luga a termina Marvin Rodriguez y na di tres luga Robert Dirksen. Den e mas chikitonan tambe nos a haya e resultadonan final y aki nos tin Kyle Hughes kende a termina na prome luga, na di dos luga a keda Lo Tsin Huang, na di tres luga Nethan Lobo y na di cuater luga Nicole Danje. Pa loke ta e resultado den B-klas nos tin cu bisa cu e prome luga a bay pa James Letren kende a logra gana Donald Yarzagaray cu a keda na di dos luga y Jean Pierre Helmeyer cu a termina na di tres luga. Den e categoria U-18, nos tin Jeandry Mathilda kende a logra e tiulo di campeon mientras Ching Ho Chung a keda na di dos luga y Zhao Xie na di tres luga. Por ultimo nos a haya e hungadonan fuerte esta esnan di A-klas y aki un bes mas Mario Lobo a demostra pakiko e ta keda e number uno di Aruba logrando un otro titulo riba su nomber, na di dos luga a keda Andy Gomes mientras Bart Mangus a keda na di tres luga. Na final a haci entrega di e demas premionan na e ganadonan di e Copa Betico 2016.