logo

Resultado di e prome competencia di landamento ariba Dia di Betico

Recientemente e federacion di landamento y landamento sincronisa, AZB a organisa nan prome competencia di landamento den e aña 2016 esaki den Piscina Olimpico Roly Bisslik na Savaneta relaciona cu e celebracion ariba Dia di Betico.  E competencia tabata uno riba distancia cortico esta 50m sprint den e cuater disciplinanan di landamento. Mester bisa cu e participacion un bes mas tabata masal mientras pa varios di e seleccionadonan e clasificacion pa e competencia di Carifta 2016 a bay super bon. Remarcabel ta cu e competencia tabata un preparacion pa e siguiente competencia di AZB, e dianan 19-20-21 di februari proximo na Aruba hunto cu e demas competidornan di nos hermana islanan di Boneiro y Corsow. Den e competencia ariba Dia di Betico, e dos atletanan Elisabeth Timmer y Keeley Maduro a kibra record den un prestacion sublime. E hobencitaTimmer a haci esaki den 50m estilo liber 13-14 aña, mientras e hobencita Maduro a haci esaki den e 50m mariposa 15-17 aña. Nos tin e resultado di e siguiente atletanan cu a logra nan clasificacion pa cu e Carifta 2016. Cu un tempo A nos tin Elisabeth Timmer 13/14, Brandon Cheong  13/14, Keeley Maduro  15/17, Rebecca Maduro 15/17, Andrea van den Berg 15/17, Anahi Schreuders 15/17, FloryKock 15/17, Daniel Jacobs 15/17, Patrick Groters 15/17, Joseph Winterdal 15/17, Mikel Schreuders 15/17. Cu un tempo B nos ta haya Amy Pichardo 11/12, Jireh Larmonie 11/12, Gabriela Gordon 11/12, Bryan Cheong 11/12, Gwennandy Kock 13/14, Dytaysha Laurence 13/14, Jeandre Kock 13/14, Lucien Peterson 13/14 y Kenrick Pichardo 13/14