logo

RCA ta topa Britannia den Final COPA BETICO 2016, despues di gana Riverplate 5-0

Diahuebs anochi dilanti un publico basta grandi, Juancho Santos ta habri marcador tempran den promer mitar. Pero ekipo di Playa Pabou ta duna fuerte bataya y halftime ta bai aden 1-0. Di dos tempo ta habri basta parew cu atake na ambos banda pero na 63 minuut Jean-luc Bergen ta hasi wega 2-0. Despues di esaki ekipo tricolor ta demostra un superioridad den nan condishon fisico y ta Ronald Gomez cu ta hasi e wega 3-0 y 4-0 pa Jean-Luc Bergen pone 5-0 riba score board. Dialuna awo 25 januari pa 8or di anochi den stadion Centro Deportivo Guillermo Prospero Trinidad, Aruba completo ta invita pa e gran encuentro, e bataya, e clash e promer final di 2016 entre e rivalnan: "Soldatnan di Solito" RCA "BIG WHEEL LOTTERY powered by POWERADE & KFC" y Pumanan di Piedra Plat Britannia. Den wega ta e prestigioso titulo di Copa Betico. Un Copa cu ultimo anjanan a bira masha popular y cu practicamente tur ekipo kier gana. Directiva di RCA ta invita e fanaticada tricolor pa jega stadion cu animo y ban apoya nos ekipo cu respect, pa despues nos tur bai club y celebra hunto como un gran famia.