logo

PROXIMO CAREDA PA TEAM ARUBA TA DIA 24 Y 25 DI APRIL NA WEST PALM BEACH USA.

General maintenance and cleaning of our mustang, making sure everything is right the way it should be for tonight. Getting ready in West Palm Beach for tonight's qualifying sessions. Our Aruba wrapped trailer stands out once again!

Abo semper a desea di mira Team Aruba den accion pero nunca a haya e oportunidad aki pa motibo cu caredanan ta poco lew di cas? Ata aworaki bo chens pa ta presente. Como cu e careda aki ta na Florida mes, e ta hacie esun di mas acesibel pa nos Arubianonan ta presente, sea biba eynan of biahando pa eynan. Team Aruba ta spera di por conta cu e apoyo di nos hendenan local na e careda aki cu ta priminti di bira un o grandi pa Team Aruba.

 

Despues di un fin di siman exitoso siman pasa, Team Aruba ta sinti nan mes mas cu kla pa participa na e di 4 careda pa nan e aña aki. Siman pasa nan a logra yega te cu finals y e biaha aki ta spera di yega mesun lew y gana. E auto y motor ta bon como tambe e ekipo di Team Aruba completo y sin falta Trevor Eman, kende lo maneha e Mustang. 

 

Manera ta conoci, IHRA (International Hot Rod Association) tin como 10 careda pa aña pa e categoria cu Team Aruba ta participa den dje cual ta ProStock. Cada careda tin un ganador y cu cada careda por acumula punto, cual ta haci cu cada careda ta uno importante. Actualmente Trevor Eman ta den e top 5 di su categoria. Esaki sigur ta algo fantastico pa Aruba como tambe Team Aruba. E obhetivo di e competencianan aki ta pa na final di aña por competi pa bira campeon di mundo den ProStock

 

Team Aruba semper ta presenta en grandi cu nan trailer cu a caba di haya un facelift nobo haciendo un tremendo propaganda pa Aruba. Ademas nan stand semper tin hende pa duna informacion di Aruba na tur esnan cu pasa pa esaki, dunando no solamente informacion pero tambe un regalito chikito di Aruba.

 

Si no por ta presente personalmente ne West Palm Beach por sigui e careda aki viawww.ihra.com. Tambe por like e pagina di Team Aruba nawww.facebook.com/teeamarubaracing pa sigui tur desaroyo.

Good Luck TEAM ARUBA.