logo

Prelims Redemption Fighting Championship 2 Aruba 2016. photo by Hubert de Cuba

Diabierna 29 di April 2016 a tuma lugar den Aruba Entertainment Center e RFC 2 .

Den un Stadion practicamente sold out , nos por a disfruta di peleanan di calidad hopi halto.

Den e Prelims di e anochi aki e prome pelea a bai entre Gerald Kelly y Ashley Oehlers  categoria Featherweight despues di bon bataya e hoben Gerald Kelly ta logra gana e pelea.

Di dos pelea di e anochi a bai entre Gabriel  van der Biezen contra di Andrei Cassarino di Venezuela den categoria Middleweight , tremendo pelea pero lamentablemente Gabriel mester a bandona e pelea den di dos round pa motibo di leshon na rudia y asina Andrei ta gana e pelea.

Di tres pelea a bai entre Alrick Tromp contra di Ismael Matos categoria Light Heavy Weight caminda Alrick ta logra gana e pelea den di e prome round.

Di cuater pelea a bai entre Jordy Frans y Davisdlee Winklaar categoria Welterweight  di nos hermana isla Boneiro tambe tabata un pelea hopi bon caminda cu Davisdlee ta logra gana e pelea.

Di  cinco pelea a bai den Categoria Female Light Heavy Weight Chanty Brown contra di Romely Flanegin , mester bisa un pelea caminda basta sla a cai y cu Romely ta bin gana e pelea.

Di 6 combate tabata un  di e pelea nan mas spera di e anochi aki caminda Yalajandra Tromp a topa cu Chiara Petrocchi un hoben di apenas 14 aña den categoria Female Strawweight.

Despues di un tremendo combate entre e dos hoben nan aki Chiara Petrocchi ta Sali victorioso caminda cu e publico a biba cu e pelea.

Keda pendiente pa e resultadonan di e Main Card y Potret nan .