logo

Nicole Hoevertsz a encabesa delegacion di IOC na di 60 Sesion di Comision di Nacionnan Uni tocante Status di Hende Muher

Recientemente riba solicitud di presidente di Comite Olimpico Internacional (IOC), Thomas Bach, secretaria general di Comite Olimpico Arubano y alabes miembro di IOC,  Nicole Hoevertsz tabata tin e honor di encabesa e delegacion di IOC na e di 60 Sesion di e Comision di Nacionnan Uni tocante e Status di Hende Muher, esaki  na e cede principal di Nacionnan Uni na New York. Como hefe di e delegacion, Sra.Hoevertsz tabata tin e honor di tabata orador na e sesion menciona. Comite Olimpico Internacional tin e status di Observador Permanente na Nacionnan Uni y na e icasion aki, hunto cu Brazil y UN Women, a duna su contribucion na e deporte pa logra igualdad y pa pone un paro na e violencia contra e hende muhe y mucha muhe. Riba e dia aki Sra. Hoevertsz tabata e prome orador y tabata tin e honor presenta e prome palabra nan na e apertura di e sesion. Segun Sra.Hoevertsz e tabata un privilegio y experiencia unico pa den nomber di Comite Olimlico Internacional papia riba e tema “e condicion di e hende muhe” dilanti di un audencia di 5.500 participante na e cede di Nacionnan Uni na New York. Mester bisa cu e delegacion di IOC tabata satisfecho cu mensahe treci cerca e demas representantenan di Nacionnan Uni. A lo tanto IOC y Nacionnan Uni tin e mesun proposito esaki ta;”haci e mundo mas igual pa e mucha muhe y hende muhe.