logo

Main Card Redemption Fighting Championship 2 Aruba 2016. photo by Hubert de Cuba

Den e Main Card di e anochi nos por a presencia e di 7 pelea cu a bai entre Rayen Brete contra di Franklin Mireles di Venezuela den Light Weight, un pelea caminda Rayen a bringa hopi cauteloso pa motibo cu Franklin ta un bringador cu ta hopi bon den grounding y aki Rayen a evita pa bai Ground cune , un pelea cu despues Rayen ta bin gana pa desishon.

Den e di 8 pelea di e anochi aki a topa otro Joshue Solognier contra di Marsharl Oehlers den Middle Weight caminda Marsharl ta Sali brabo brabo cu un tremendo skop ta manda Joshue te den e waya di e octagon, despues di basta sla di ambos bringador Marsharl ta bin gana e pelea aki.

Di 9 pelea di e anochi aki ta subi den cage pa topa otro Joziro Boye contra di Alexandre Lopes di Brazil den Feather Weight, esaki tabata un di e pelea nan cu nos mester bisa caminda hopi sla a cai pa ambos bringador un pelea hopi bon mes na nivel top caminda cu Joziro ta logra bin gana e pelea.

Di 10 pelea a topa otro Hyram Rodriguez contra di Eduardo Pachu di Brazil den Light Weight, un pelea cu mester bisa ambos bringador tabata hopi cauteloso cu otro y aki Eduardo Pachu di Brazil ta bin gana e pelea.

Na Caminda e Co-Main Event di e anochi Gregory Milliard vs Michael Kuiper.