logo

Lotto ta felicita Gunnar Leonardo cu e titulo di campeon den e 9 Ball Open ABC den billiards Aruba 2015.

Den fin di siman tras di lomba, nos dushi isla di Aruba tabata pais anfitrion di e gran torneo internacional di billiards 9 Ball Open ABC entre e islannan di Corsow, Boneiro y Aruba. Durante tres dia largo, un total di 29 hungado di billiards a hiba un bataya fuerte pa asina haya sa kende ta e miho hungado di billiards entre e tres islanan. E cas di billiards na Aruba esta Classic Billiards a host tur e weganan cu a conta cu e miho hungadonan di billiards di tur e tres islanan. Mester bisa cu nos hungadonan local a sa na domina mayoria di e campeonato unda cu e Gunnar Leonardo a titula su mes como e campeon di ABC. Den un wega di final dramatico, e atleta Leonard ta gana un otro gran hungado local esta Ryan Rampersaud cu e score final di 9 – 7 pa asina logra e titulo entre e miho hungadonan di Aruba, Corsow y Boneiro, mientras Rampersaud a keda na di dos luga. Notabel ta cu tur e otro atletanan di billiards di Aruba tambe a haci bon papel durante di e torneo internacional di billiards, manera Jason Kock kende a keda na di tres luga.