logo

Lotto ta felicita e seleccion di softball cu nan medaya di brons conkista den e Campeonato Suramericano de Softbol Masculino na Bogota, Colombia

E seleccion di softball tambe a logra un tremendo papel den e asina yama Campeonato Suramericano de Softbol Masculino cu a tuma luga na e ciudad di Bogota, Colombia. Mester bisa cu e seleccion di Aruba a gana un total di 7 wega unda a sera e di dos buelta di e campeonato cu 4 victoria y un solo derota. Cu e resultado aki, e seleccion di Aruba mester a lucha pa e di tres luga y pa e medaya di brons contra di e seleccion di Ecuador cu a gana Aruba den e rond preliminar. Den e bataya pa e di tres luga, e seleccion masculino di Aruba tabata simplemente sublime unda a knock-out e seleccion di Ecuador cu e score di 9 – 0 den apenas cuater inning. Ta bon pa menciona cu e esaki ta di dos medaya cu e ekipo di softball masculino a logra den 2015, mirando cu na comienso di aña e seleccion di softball a gana e medaya di Plata den e campeonato di ECASC (English Caribbean Amateur Softball Confederation) unda nan a sali sub-campeon.