logo

Guinness Street Soccer Challenge Aruba 2016 FINALS

Diasabra a tuma lugar na Carnival Village San Nicolas e gran final di e Guinness Street Soccer Challenge Aruba 2016.

Despues cu e 8 team nan a topa otro a keda solamente 4 equipo cu tabata Street Vibes cu ta e team di San Nicolas  /  Soccer Giants cu ta e team Campeon di aña pasa cu a haci un tremendo trabow na Jamaica terminando number 3 caminda cu St Lucia a titula Campeon, Madiki Kavel Lions y La Combinacion.

Street Vibes mester a topa Madiki Kavel Lions y a sa di gana e wega pa asina pasa pa e gran final, na otro banda Soccer Giants ta topa contra di La Combinacion y aki e team Campeon di aña pasa ta perde den un tremendo wega y La Combinacion ta logra pasa pa e Gran Final.

Soccer Giants mester a topa Madiki Kavel Lions pa e di tres y cuater lugar y aki e muchanan di Madiki ta sorprende e Campeon nan di aña pasa y ta logra bai cas cu un check di $500. terminando na di 3 lugar.

Den e Gran Final e muchanan di San Nicolas Street Vibes ta cai venci y asina tambe La Combinacion ta titula Campeon y ta haja derecho di representa ARUBA na St Lucia.

 

Den Skills e hungador David di Soccer Giants ta logra bai cas cu un check di $300 despues cu a sa di domina e bala y tambe Killer di Street Vibes ta sali Top Scorer di e torneo.

CAMPEON ;  LA  COMBINACION 

SUB CAMPEON ; STREET VIBES.

3TH ; MADIKI KAVEL LIONS.

4TH ; SOCCER GIANTS.

Sport Pics Aruba tabata presente pa cubri e torneo y den mes rosea kier a felicita ROMAR TRADING Y GUINNESS pa e torneo aki PABIEN.