logo

Final Division Passarella y Cadet Basketball Aruba 2016.

Diaranson 30 di Maart 2016 a tuma lugar na YMCA San Nicolaas e final nan di Basketball Division Passarella (U15) y tambe den Division Cadet (U 17), Den Division Passarella e equipo di Ecotech Stealers tabata lidera den e serie di best out of 5 cu un ventaha di 2-0, den un tremendo wega nan ta logra corona nan mes como Campeon ganando Aruba Jrs Basketball Pirates  cu e score di 47-32.

Den Division Cadet e equipo di Pelican IMPACT  tambe tabata lidera e serie cu un ventaha di 2-0, Den un wega hopi preta ta bin logra gana di Dobble Happy Stealers  71-60  pa asina tambe caba cuenta y titula Campeon.Despues di e wega nan tabata tin entregamento di Trofeo na e ganador nan y tambe e Most Valuable Player di cada Division.

Sport Pics Aruba ta felicita tur e Team nan  y tambe e MVP nan.