logo

Federacion di volleyball AVA a start sali cu nan campeonato di volleyball 2015

Recientemente e federacion di volleyball,  Aruba Volleyball Association, a inicia cu nan campeonato di volleyball 2015 den e categorianan masculino y femenino. Tur aña e federacion di AVA ta promove e deporte di volleyball bou di nos hoben y adolescentenan cu kier sigui desaroya nan mes den e deporte aki. Es mas, awo tambe e federacion ta trahando duro pa haya mas atleta participa na e deporte di beach volleyball, cual sigur ta un deporte revelacion di e ultimo añanan.

E Federacion di AVA ta conta cu apoyo di un y tur pa promove e deporte di volleyball den tur sentido. Na e campeonato 2015 di AVA a start varios ekiponan masculino y femenino, cual ta un bon señal cu e vision cu e federacion kier logra.