logo

Federacion di biyar, FEBIAR ta anuncia su schedule final di e aña 2015

Despues di un pauze cortico, e federacion di biyar Arubano, FEBIAR ta cla pa start cu nan schedule pa loke ta e final di e temporada di biyar di e aña 2015. Den e dos lunanan tras di lomba algun di nos top hungadonan di biyar tabata activo den entre otro torneo internacional renombra na nos hermana isla di Corsou como tambe na e Pan Americano di biyar cu e tuma luga na Buenos Aires, Argentina. Den e siman binidero e campeonato lo reanuda y lo sigui te cu den e di tres siman di november. Na comienso di december lo haci entrega di e premionan final. E prome parti di e campeonato di FEBIAR a bay bon, e diferente torneonan a conoce diferente ganado. Atletanan manera Gunnar Leonardo, campeon ABC 2015, Richard Wolff, campeon Nacional 8 y 9 ball, Ditto Acosta, campeon Nacional 10 ball y Ryan Rampersaud campeon na Corsou ta hungadonan cu sigur mester bay tene bon cuenta cu nan den e di dos parti di e campeonato. Lotto, e loteria di Aruba cu ta aporta grandemente na nos deporte local kier a desea tur hungado di biyar tur clase di exito den e di dos parti di e campeonato 2015.

E schedule final lo ta como lo siguiente:

October 13-15: Pro Team semi final Barracuda vs Steelers 2 & Predators vs Steelers 1.
October 18: APT A #9, APT B#7.
October 20-21 Pro Team final.

November 8: APT A#10, APT B#8.
November 12-14: Eight 8 Ball Team semi final Barracuda vs Steelers & Predators vs Classic. 
November 19-21: Eight 8 Ball Team final.

December 5: Entrega di Premios.