logo

Esgrima cu competencia celebrando Dia di Betico

Diadomingo 24 di januri, e federacion di esgrima, S.A.B.A lo ta organisado su prome competencia pa loke ta e calendario di actividad di esgrima den 2016. E competencia mas cu claro ta relaciona cu Dia di Betico y ta pa tur e clubnan miembro di fencing na Aruba. Actualmente tin tres club di fencing cu ta Universal Fencing Club, Scherm Club Brazil y Don Bosco Knights. E luga unda e competencia lo tuma luga ta na Cristo Rey School na Brazil y ta programa pa cuminsa pa 10or di mainta. E deporte di fencing den e ultimo añanan a bira uno masha popular sigur bou di nos hobennan, unda un cantidad grandi ta practica e deporte olimpico aki. Den e aña deportivo 2015 varios actividad local a wordo organisa pa e atletanan.