logo

Entrenador di cricket Orin Bailey lo regresa pa yuda e deporte di cricket na Aruba.

E conocido entrenador di cricket procedente di Guyana, Orin Bailey lo regresa Aruba pa asina sigui yuda e deporte di cricket na Aruba, esaki den cooperacion cu e asociacion di cricket Arubano, ACA. Un bez mas a tuma e iniciativa pa busca un entrenador certifica cu e intencion pa eherce diferente tarea pa e federacion, mescos cu a haci caba den pasado. Un bes mas Sr. Bailey lo tin e tarea pa coach e umpirenan di cricket como tambe umpaya e weganan di campeonato y yuda cu e preparacion pa cu e seleccion nacional di Aruba pa cu torneonan internacional.

Na banda di esaki lo organisa clinicanan di cricket pa tur e ekiponan y nan coachnan mientras lo scout hungadonan hoben cu ta interesa den e deporte di cricket. Durante di torneonan internacional sr. Bailey lo coach e seleccion di cricket di Aruba. Den e ultimo añanan e deporte di cricket a bira masha popular na Aruba caminda varios atleta a afilia nan mes na e federacion. Actualmente tin cuater ekipo cu ta miembro di e asociacion di cricket Arubano.