logo

Ecotec leftovers ta gana De spuiters 5-4 y ta aserca clasificacion pa playoffnan di campeonato Baseball Clasico.

Diasabra e Campeonato di Baseball Veterano a sigi cu e partido promer partido entre Surprise Bombers y Sanicolaas Unforgettables cu a termina den victoria di 9-1 pa Surprise Bombers. John Laurens a sa di domina e bateria di Unforgettable pa 3 inning , y despues a ricibi ayudo di Edward Cannister pa nan di 3 victoria di campeonato. Mihor bateador pa Surprise Bombers Greg Alias 3-3 y Adolfo Gonzalez di 3-2.  

Mihor bateadornan pa Unforgettables  Charles Danker 2-2, Jose Richardson 2-1.

 

Box score                                          R         H         E

San Nicolaas Unforgettables        1          4          1

Surprise Bombers                            9          9          2

 

Pitcher ganador a resulta John Laurens y perdedor Jose Richardson.

 

Despues den otro tremendo wega Ecotec Leftovers ta reaciona un biaha mas den bom di 4 inning pa anota 5 careda cu doblete di Giovanny Lane pa vence de Spuiters cu score di 5-4. Tremendo wega sigur jen di suspenso caminda cu den ultimo inning y de Spuiters cu 2 coredor den scoring position , Nildo Wernet ta drenta y saca e ultimo 2 outnan pa acredita su promer wega salva di campeonato.Mihor bateadornan di Leftovers Guido Wever 2-2, Daniel v/d linden 3-2 y Antonio Mingo 3-1.

 

Mihor bateadornan pa de Spuiters tabata Robertico “Tutu” Koolman , Anthony Thompson y Clyde Roga tur di 2-1.

Pitcher ganador Michael Rasmijn y perdedor Aldrick Loopstok.

 

Box score                  R         H         E

Spuiters                     4          4          2

Ecotec Leftovers      5          6          4         

 

Despues tabata tin escogencia  di e promer Tata di Baseball Clasico y a toca e tata di Surprise Bombers Sr. Franklin Escobar a keda nombra como e promer tata di baseball Clasico 2016. Un danki na Balashi Brouwerij cu a zorg pa cada tata di equipo recibi un regalo. Di parti comicion baseball Clasico un biaha mas pabien na tur e tatanan di Aruba y specialmente Franklin Escobar como tata di baseball Clasico 2016.

 

Campeonato ta sigi otro siman Diasabra 25 juni :

1or pm. Marlboro Classics v/s Ecotec Leftovers  y

3.15 pm lo hunga Atco  v/s Surprise Bombers.

 

Standing campeonato Baseball Clasico 2016

  1. Marlboro Classic                               5 gana       2 perdi
  2. Spuiters                                   5 gana       3 perdi
  3. Atco/Richmond                       4 gana       3 perdi
  4. Brazil Leftovers                       4 gana       3 perdi
  5. Surprise Bombers                            3 gana       4 perdi
  6. San Nicolaas Unforgettables         1 gana       7 perdi      

 

Standing ta te cu 18 juni 2016, faltando solamente 3 wega mas pa wordo hunga pa cada team.