logo

Delegacion di judo lo ta presente na e e di 28 edicion di e World University Summer Games cu e aña aki lo wordo teni na Gwangju, Sur Korea

E dianan 3 pa 14 di juli proximo, lo bay tin e di 28 edicion di e World University Summer Games cu e aña aki lo wordo teni na Gwangju, Sur Korea. Mester bisa cu e instancia gubernamental encarga cu e maneho di deporte, esta IBISA a haya e invitacion aki y a scoge e deporte di judo pa participa na e campeonato menciona. Pa e motibo aki e federacion di judo a eligi e dos top judokanan hoben cu ta Emmazira Kelly y  Isaac Croes. Mester bisa cu ambos atleta ya tin experiencia amplio den torneonan internacional y den pasado a logra varios medaya den e diferente competencianan internacional cu nan a participa na dje.  Antes e organisadonan tabata cubri tur e gastonan pa loke ta e atletanan y nan coach, sinembargo e aña aki lo cubri gasto di e atletanan so. Pa e motibo aki tambe cu Comision di Subsidio y Lotto lo cubri e gastonan di coach Alberto Thiel kende lo biaha cu e dos hobennan aki.

Den pasado e deporte di judo a representa Aruba den tres diferente Weganan Olimpico y ta un deporte creciente na Aruba caminda mas y mas mucha a cuminsa practica esaki. E interes ta grandi y un bon motibo pa e federacion di judo sigui promove e deporte di combate.