logo

Delegacion di judo lo participa na e 27th US Open Junior 2015 na Fort Lauderdale, Merca

E dianan 17, 18 y 19 di juli lo tuma luga na Fort Lauderdale, Merca, e di 27 edicion di e US Open Junior 2015. Na e campeonato aki atletanan di Merca y como tambe algun pais rond mundo ta participa na dje. Nos isla di Aruba tambe lo competi na e Junior Open di Merca.

E delegacion di Aruba lo consisti di cuater atleta y un coach. E atletanan ta Theron Farro, Brandon Wong, Jean Luc Harms y Yuri Koffie, mientras como coach lo biaha Fiderd Vis. Mester bisa cu e prome cu e delegacion di judo sali pa e Junior US Open nan lo permanece un siman den un campo di entrenamento na Republica Dominicana hunto cu coach Alexis Cardenas.

Ya pa algun aña e delegacion di judo ta competi den e Junior US Open aki na Fort Lauderdale unda e miho judokanan di henter Merca y tur parti di mundo ta participa na dje. Esaki sigur ta un experencia unico pa nos atletanan di judo pa nan por midi forza contra e demas judokanan.

Un danki sigur na Lotto, e Loteria di Aruba pa medio di Comision di Subsidio cu lo subsidia e biahe di nos atletanan di judo pa US Open na Fort Lauderdale, Merca.