logo

Delegacion di atletismo lo competi den e NACAC na El Salvador

Despues cu siman pasa nos atletanan den atletismo a competi den e evento internacional Trupiaal Classic na Corsou, ya caba un otro evento internacional ta warda nos atletanan. E competencia cu ta bou di North America Central America Caribbean Association, NACAC ta un masha popular den e region di Centro America unda varios pais ta participa mientras e anja aki e lo tuma luga na El Salvador.

Pa Aruba lo competi e atletanan Jurgen Geerman y Lixandra Geerman. E atleta Jurgen Geerman lo competi den e 1500m y 5000m mientras cu Lixandra Geerman lo competi den e Heptathlon. Ambos atleta a caba di duna un tremendo presentacion den e Trupiaal Classic na Corsou unda nan a logra obtene varios medaya pa Aruba.