logo

Delegacion di atletismo lo competi den e 24th Trupial Auto City na Corsou

E weekend aki nos hermana isla di Corsou lo ta anfitrion di un competencia internacional masha conoci y exitoso den e deporte di atletismo. E di 24 edicion di e Trupial Auto City Classic ta un hecho unda nos delegacion di Aruba tambe lo forma parti di esaki. E evento lo ta un combinacion di competencia y alabes un campo  di entrenamento. E atletanan cu a wordo selecta pa e federacion di atletismo Arubano ta participa na e campo di entrenamento lo ta Justice Dreischor, Lixandra Geerman, Zyon Geerman, Daymiron Cornes y Dhyronne Reed.

 

E campo di entrenamento ya a cuminsa diamars mientras e competencia lo ta diabierna y diasabra. Lo por competi den e Age Group U7 te cu Masters. Paisnan participante lo ta Puerto Rico, St.Maarten,Trinidad and Tobago,Surman, Anguilla, Jamaica, Boneiro, Barbados,Colombia, Dominica y Corsou mes.