logo

Caranan conoci di RCA y DAKOTA a entrega e bala pa wega final

E campeonato di futbol division honor 2015-2016 di Arubaanse Voetbal Bond, cu ta den su fase final awor, ta dedica na Njaks Rasmijn y na Chommy van der Linden. Pero, diaranson ultimo durante e wega final entre SV RCA y SV Dakota, a toca honor na dos baluarte di ambos team pa entrega e bala oficial di e wega final na e referee. A duna e honor na Edwin Dirksz di RCA y Nercisio "Bibichi" Krozendijk di Dakota pa entrega e bala.

 

Ambos ta veterano di e ekiponan cu ta den Playoff y e sonrisa riba nan cara ta bisa tur cos.  Banda di nan tabata para Richard Dijkhoff, Presidente di AVB y Minister di Salud Publico y Deporte, dr. Alex Schwengle.

 

A funda Arubaanse Voetbal Bond na aña 1932 y a afilia na CONCACAF na aña 1986 y despues na FIFA na aña 1988. E ta e organisacion cu ta maneha futbol amateur y profesional riba nos isla, incluyendo e muchanan, hoben, hende muhe y adultonan. E ta responsabel pa sanciona e refereenan y e torneonan di futbol organisa pa mayoria liga. Nan oficina ta situa den Compleho Deportivo Frans Figaroa na Noord.