logo

Campeonato Baseball Clasico 40 plus ta den su fase Final

Diasabra Juli 16, 2016  tuma lugar e ultimo 2 weganan di  entre equipo di Marlboro Classics vs S.N. Unforgttables  y   Surprise Bombers vs Spuiters. Den promer wega Marlboro ta sigura su posicion N0. 1 ganando di S.N. Unforgettables cu score di 12-2.                                    Mihor bateadornan di Marlboro a resulta Pierre Richardson , Franklin Danies, Wilfred v/d Biezen y Mario Kwidama tur di mil punto 2-2.                                      Pa S.N.Unforgettables tabata Jose Richardson  2-2 y Charles Danker 3-1. Pitcher ganador Raymundo Dijkhoff y perdedor tabata Mitchell Marchena. 

 

Siguiente wega  a enfrenta otro e dos equiponan di Sta. Cruz,  Spuiters y Surprise Bombers caminda Nun Flanegin y Patrick van Heiningen a blankea  e equipo di Spuiters 5-0.

Mihor bateadornan di Surprise Bombers tabata Segaerd Obispo 1-1, Estefano Croes y Patrick van Heiningen di 4-2.                          Pa Spuiters tabata                Antonio Hassell y Aldrick Loopstok  di 2-1.                                              Pitcher ganador Richard Nun Flanegin y perdedor Cliff Lacle. Cu e resultadonan aki diaranzon awor 20 Juli 2016 lo enfrenta otro Spuiters v/s ATCO den un wega extra pa dicidi e di 4to clasificado pa 7or pm den Stadion Crismo Angela/Nadi Croes.

 

Play offnan ta cuminsa diahuebs 21 juli 16 entre ECOTEC Leftovers v/s Surprise Bombers pa 7or pm.

Diabierne 22 Juli  2016 Marlboro Classics v/s ganador ATCO / Spuiters.

Gran finalnan lo ta diasabra 23 Juli 2016 pa 1or pm  lo enfrenta otro e dos perdedornan y pa 4or pm e dos ganadornan pa wak ken ta bira e promer campeon di Baseball Clasico di Aruba.

Pueblo di Aruba y especialmente nos hubentud y AA, ricibi esaki como un invitacion pa bin sera conoci cu e historia di baseball Arubano. Boso tur ta welcome!!!  

Aruba Baseball Clasico 40+ a logra su meta di uni e basebolistanan den nan deporte preferi cu weganan jena cu aspectonan positivo y energetico. Ta invita tur otro peloteronan / organizacion  cu ta desea di hunga den nos di dos campeonato nacional pa tuma contacto cu Directiva via email baseballclassicoaua@gmail.com o inbox via FB  Aruba Baseball Clasico, tambe aki por aprecia e potretnan di campeonato 2016.