logo

Britannia vs Deportivo Pereira Colombia.

Diahueps 4 di augustus a tuma lugar den Stadion Guillermo Prospero Trinidad na Dakota un wega internacional entre Britannia reforsa contra Deportivo Pereira di Colombia.

Mester bisa cu un publico basta grandi cu a bin pa apoya ambos equipo caminda den e tribuna parti pariba sin dak tabata tin e fanaticonan di Colombia  cu nan musica di Vallenato, mientras e parti pabow e tribuna cu dak tabata tin e fanaticonan di Britannia cu un Brassband.

Den e prome 20 min nan di wega nos por a mira cu ambos equipo tabata mas bien studia otro caminda nan tabata hungando un  futbol hopi cauteloso , caminda mayoria di e wega tabata mei mei di tereno.

Na di 23 min di wega Pereira ta manda un tremendo tiro riba gol di Britannia caminda e portero Kendrick Dania ta trece salbashon caminda e ta pomp e bala afor.

Na di 34 min di wega ta Pereira ta bolbe manda un tiro violento riba gol di Britannia caminda e bala ta dal den e tubo horizontal y bai afor caminda Britannia ta bolbe scapa, mester bisa cu e equipo di Pereira tabata tin un  tiki mas dominio di bala cu e equipo local , caminda cu Pereira tabata crea un poco mas di peliger riba gol.

Na di 45 min di wega den un contra atake e equipo di Britannia pa medio di Sebastian Montoya ta kita e defensa riba liña drechi y ta pasa e bala pa Hugo Martina pa asina deposita e bala den net pa asina Britannia tuma ventaha di 1-0 riba e equipo di Pereira y asina tambe ta bai sosiego cu e score di 1-0 pa Britannia.

Na di 59 min di wega e equipo di Deportivo Pereira ta empata e wega na un gol pa banda.

Despues di e gol di empate aki e equipo di Pereira ta hisa volocidad di wega y ta pone basta preshon riba e equipo di Britannia pero asina mes e equipo di Britannia ta sa di kibra tur atake y tambe controla e wega

Na di 75 min di wega Britannia ta haja un penalty caminda cu Bruno Conceicao ta cobra sin exito caminda cu e portero di Pereira ta logra pomp e bala afor.

Y cu e score aki di un gol pa banda e wega ta finalisa.

Diasabra 6 di augustus e equipo di Pereira tin otro compromiso contra e equipo Sub Campeon di Aruba division Honor esta DAKOTA pueblo di Aruba ta keda cordialmente invita pa bin presencia otro candeloso partido di futbol na nivel hopi halto.