logo

Brazil Taekwondo Stichting a shoot e ultimo potretnan pa nan calender di aña 2017.

Un diasabra cu a cuminsa for di 5'or y mey di mainta pa tur cu mester a lanta e ora ey pa asina cuminsa cu e trip pa 6’or di mainta caminda pa Santa Cruz.
Ta parce cu Santa Cruz ta e centro di e potretnan di aña 2017, pasobra na varios sitio cu nos a saca potret ta den e districto di Santa Cruz. Mester duna danki na e famia cu a brinda nos nan espacio den e cunucu di nan cabritonan.
 
Un experencia unico y diferente hunto cu e bestianan. Esaki ta e prome biaha cu Brazil Taekwondo Stichting a saca potret hunto cu bestia. Esaki no tabata facil pasobra no tabata tin e cooperacion di e bestianan. Despues a sigui direccion pa Wela na unda cu e bloki tabata central. Aki tabata tin tension y presion pa e unico potret di e momento exacto pa e por a wordo saca, pasobra ta dos bloki so tabata tin, uno pa Wela y e otro pa un otro lugar. E tempo no tabata na nos banda y mester a usa flash pa e unico potret aki. Aruba por conta cu nan lo por cumpra un calender di aña 2017 unico y na diferente parti di Aruba y exterior pa asina sostene e team di Korea pa aña 2017.