logo

Brazil Taekwondo Stichting a reuni tocante di ex campeon mundial

Brazil Taekwondo Stichting a reuni tocante di ex campeon mundial, ex coach Olympico di Hulanda, Francia, Grecia y Hall of Famer Henk Meijer.
 
Diabierna ultimo Brazil Taekwondo Stichting a reuni na Centro di Bario Brazil y a sinta evalua e camp training di Russell Beneby. Russell Beneby ta un coach sublime di Merca. Russell Beneby a keda masha satisfecho mes cu e training y con e atletanan a reacciona ariba tur cos cu a wordo duna na nan tur segun Aaron Jacobs. 
Awor ta preparando pa ex campeon mundial, ex coach Olympico di Hulanda, Francia, Grecia y Hall of Famer Henk Meijer kende lo bay ta na Aruba pa duna un camp training.
Brazil Taekwondo Stichting su mayornan ta masha contento cu e desaroyo y con tur cos ta wordo implementa pa asina e atletanan por haña mihor training for di Legendarionan manera Henk Meijer aki na Aruba.
Sr. Ponson ta mira un progreso masha grandi den su nieta Lixandra Bello kende a crece masha hopi mes den e ultimo aña na Brazil Taekwondo Stichting. Danica Delamore a trece pa dilanti cu Corsou ta dilanti porta y cu mester tin e team completo pa dia 5 di Augustus, mirando cu mester scoge 1 atleta acerca. Tempo no ta na nos banda y mester sigui cu tur e programanan cu tin ariba mesa. Dia 30 di Juli lo bay saca e ultimo potret pa e calender di un sponser pa un posibel cover page. Brazil Taekwondo Stichting ta para firme tras di su atletanan y nan e mik punt. Jervis Lowe a duna di conoce cu su dos yiunan ta cla pa e Costa Rica Open cu ta pa ranking.  
 
Durante di e reunion a divulga varios otro puntonan di agenda cu a tuma casi full e anochi, mirando cu e plan di training pa e siman aki lo bay basa ariba di midimento di vet y e mask training. Tambe ta bay traha un meal plan pa e atletanan pa asina nan ta bon comi y bon getrain.