logo

Brazil Taekwondo Stichting a midi vet y BMI di su atletanan.

Den fin di siman Brazil Taekwondo Stichting tabata hopi ocupa cu e atletanan. A tuma nan peso, nan haltura y a midi nan vet y BMI. Esaki ta e prome biaha cu Brazil Taekwondo Stichting a haci e test aki ariba nan mes y lo bay sigui haci esaki sigur durante di aña. E unico motibo ta pa por controla e atletanan mas di cerca y pa mira kende tur mester of por baha peso. Mester tene na cuenta cu mester sa bon con pa baha peso y con bo ta haci esaki sin cu esaki ta afecta bo mental y fisicamente. Esaki ta cosnan cu Brazil Taekwondo Stichting sa bon y ta haci pa su team di Train Hard Fight Smart.
 
Brazil Taekwondo Stichting ta preparando pa e campeonato mundial di Junior cu lo bay ta na Canada na luna di November y ta cuminsa cu tur preparacion necesario for di awor, specialmente pa un di e atletanan cu sigur mester bay cuminsa come mas balansa.
 
Aaron Jacobs a splica e team di Train Hard Fight Smart den plaka chikito tocante di e proceso aki pa asina nan ta consiente di kiko tur ta spera for di nan. Brazil Taekwondo Stichting tin masha hopi plan mes pa su team di di Train Hard Fight Smart, pero tur cos ta bay bin na su debido tempo.