logo

Bolichera Kamilah Dammers ta logra medaya di brons den e Pan Americano di bowling "Campeon de Campeones".

Diasabra ultimo e atleta elite den e deporte di bowling, Kamilah Dammers a bolbe logra un  resultado di kita sombre ora cu den e Pan Americano di bowling “Campeon de Campeones” cu a tuma luga na Puebla, Mexico, e hoben Arubano ta keda na un di tres luga y bon pa un medaya di brons pa Aruba. Den e prome shete weganan, Kamilah a hasta lidera e tabla di posicion. Mester bisa cu Kamilah a enfrenta e miho bowlernan(algun di nan hasta profesional) den nos continente cu ta Merca, Canada, Central America, Caribe y Sur America. Pa su majan diadomingo hunto cu su partner Shakaina Guerrero, e duo Arubano a termina na un respectivo ocho luga, cual sin duda ta un tremendo resultado. Dialuna e competencia a sigui den masters, esaki entre e miho ocho bolicheranan di henter e torneo y aki Kamilah Dammers ta keda na di cinco luga net pafo di e layoff semi-final di cuater hungado. No obstante di esaki tanto Kamilah Dammers y Shakaina Guerrero, kende a hunga su prome torneo grandi, por mira bek tras di un torneo super satisfactorio y un bes mas cu resultado unico. Pabien na Kamilah Dammers cu su medaya di brons den e Pan Americano di bowling Campeon den Campeones.