logo

Bolichera Kamilah Dammers lo hunga di e liga profesional femenino PWBA den bowling

E soño tan anhela a yega pa e bolichera Kamilah Dammers kende lo hunga pa prome bes den e liga profesional di bowling, esta e PWBA na Merca. Recientemente e medayista di Oro y Plata den e Weganan CAC na Veracruz a sali pa Merca unda e competencianan lo inicia pa prome bes den e categoria femenino despues di basta aña di ausencia.

Despues di a termina su estudio cu exito, e hoben Dammers a haya e oportunidad unico den bida pa hunga den un liga profesional di bowling na Merca. Mas cu claro cu dos man, Dammers a acepta esaki y den e dianan binidero e lo mester hunga den dos diferente torneo rond Merca. Prome torneo lo ta e PBA/PWBA Mixed Doubles, striking against Breast Cancer na Housten, Texas pa despues hunga den e PWBA Topeka Open na Kansas City. E bolichera Kamilah Dammers a caba di representa Aruba den e Weganan Panamericano 2015 na Toronto, Canada.

Un danki sigur na Lotto, e Loteria di Aruba pa medio di Comision di Subsidio cu a subsidia e biahe di e bolichera Kamilah Dammers pa si dos torneonan den e liga profesional di bowling, PWBA na Merca.