logo

Bolichera Kamilah Dammers lo competi den e PWBA US Woman’s Open na Las Vegas, Nevada

Despues cu anja pasa e la forma parti di e liga profesional di bowling PWBA, e bolichera Kamilah Dammers e anja aki un bes mas ta activo unda e lo hunga su di dos torneo porfesional pa loke ta e temporada aki. Algun siman atras Kamilah a hunga den e PBWA Clearwater pero aki e la keda net cortico pa e playoff entre e 38 miho hungadonan. Awo e lo competi den e torneo mas grandi di Merca esta e PWBA US Open na Las Vegas, Nevada.

 

Mester bisa cu durante di e US Woman’s Open, e bolichera Dammers lo hunga un total di 3 dia di clasificacion y despues lo tin 2 dia di match play caminda e miho hungadonan lo sigui pa e rond final. E tour profesional PWBA ta conta cu un total di 11 torneo rond Merca y mayoria hungado ta di nacionalidad Mericano. E otro representacion ta bini di entre otro Colombia, Mexico, Republica Dominicana, Venezuela y Aruba.

 

E hoben Kamilah Dammers ta un di e miho bolicheranan di Aruba. Na 2014, Kamilah a logra triunfa cu medaya di Oro y Plata den e Weganan Centro Americano y del Caribe na Veracruz, Mexico.