logo

Bin presencia nos strea di Major League Baseball den “All Star Game”

“Tur cu tin” Aruba henter ta cu X-man, Xander Bogaerts pa su prome ‘All Star Game’ riba dia 12 di juli proximo. Inmediatamente despues cu diamars a confirma cu Xander ta un di e hungadonan di Boston Red Sox cu ta “in”, por a nota un explosion di alegria den medionan di comunicacion y riba Facebook di asina tanto hende cu tabata pendiente pa e anuncio final.

 

Nos strea di Major League Baseball, un Arubiano orguyoso, un yiu di San Nicolas, ta “in” y Aruba ta celebra esaki cu entusiasmo na Carnival Village riba dia 12 di juli cu un pre-event for di 6or pa 8’or, sigui pa e debut di Xander Bogaerts den All Star Game 2016 cu ta wordo proyecta riba un screen gigantesco.

 

Carnival Village San Nicolas lo ta anfitrion di un Streetball Tournament cu participacion di 500 hoben, organisa pa ABBA. Aruba Airlines lo ta presente cu premionan fabuloso den forma di pasashi, no ta haci falta e cushina y bar bon surti, y un tremendo Kids Corner.

 

Un evento pa famia, pa grandi y chikito, pa tur amante di baseball y tur fanatico di Xander en particular! Bini un, bini tur y gosa di un anochi espectacular patronisa pa TeleAruba, Setar y Gobierno di Aruba.