logo

BASKETBALL NA ARUBA TA SIGUI CRESE​

Weekend tras di lomba, e secretaria general di Aruba Basketballbond, Valeska Milton, a bishita e isla di Puerto Rico pa un workshop di FIBA 3X3 basketball. IBF(International Basketball Federation) na Switserland cual ta bow di FIBA a aserca na cuminsamento di anja 2016 tur e islanan caribense-cual nan a nombra como Antilles- pa e isla nan aki(cual Aruba tambe ta forma parti di dje) por experencia e torneo di 3X3 basketball. E torneo aki ta birando asina grandi mundialmente cu tin "World Championship 3X3" y "World Tour 3X3". E torneo aki ta wordo hunga cu 1 basketball hoop riba mitar di un cancha di basketball enbes di 2 basketball hoop manera nos conose akinan cu ta un torneo normal di basketball di 5X5.
Locual ta hasi e torneo aki hopi interesante pa tur basketball lovers rond mundo ta e sistema di puntuashon ​caminda tur hungador di basketball por registra nan mes cual ta e 3X3planet (online). E sistema aki ta duna e hungador un chance di hanja ranking full rond  mundo. Esei kiermen cu un hungador por showcase su mes a base di e plataforma aki y asina hanja reconosemento iinternationalmente y tambe e hungadornan mas jong por asta hanja chance di wordo escohe pa hanja un full/partial scholarship.
Pa nos di Aruba esaki lo ta un torneo additional aparte di nos torneonan cu nos tin pa e delaster 2 anja nan aki. E torneo aki ta un exigencia di parti di FIBA cu mester tuma lugar tur anja. Locual ta dushi y atractivo di e torneo aki ta cu e hungadornan lo no mester ta forma parti di nigun equipo y e por ta un team di 1 sexo so (damas of caballeros) of e por ta un mix di tur 2 sexo.
Aruba Basketball Bond ta focus pa organisa e torneo di e 3X3 aki entre Juni 2016 y Octdober 2016.
Nos lo ta asercando tur e media nan y tambe un par di sponsor nan potential pa asina por hasi e evento aki uno grandisimo. Den pasado algo similar a wordo roganisa door di un distribidor local y e tawata grandioso. Durante di e evento aki lo no tin solamente e weganan pero tambe best 3-point shooter, best dunker y tambe un All-Star game.
Baskeball lovers, players, parents, ex-basketball players....keda pendiente y follow nos riba facebook (www.facebook.com/arubabasketballbond) pa asina hanja mas informashon pronto. Tambe lo por inbox nos of manda un email na arubabasketballbond@gmail.com