logo

Ban uni y juda Edmar “Echi”Boekhoudt

Comision speranza pa nos atleta a reuni siman pasa  pa traha riba un draai boek di un proximo torneo di softball.

Comision speranza pa nos atleta tin como meta pa organiza un torneo di softball dianan 18 pa 21 di Februari proximo unda e fondo cu lo wordo recauda akinan 100% ta bay pa un atleta den nesecidad. Atleta Edmar Echi Boekhoudt ta un deportista hoben di apenas 22 aña porcierto hungador di selecion nacional masculino di Aruba Softball Bond kende na October aña pasa a sufri un accidente di auto hopi grave. Den e proceso di recuperacion Echi su wowonan a keda skill.  Sintiendo e necesidad di bay Colombia pa buska mas opinion y posibel solucion familiaresnan a dicidi di forma un comision entre tur amigonan y e famia grandi di softball pa asina por recauda un fondo pa logra manda Echi Colombia. Durante reunion a establese nomber pa e torneo cual lo ta “ Ban uni y juda Echi”. Aruba Softball Bond a wordo aserca y lo ta auspicial e Torneo aki aportando cu nan conosemento. Tur wega lo bay ta amistoso den tur Liga esta hoben, 40, 50 y Damas. Tambe a keda palabra cu tur hende por juda y lo juda boluntario pues umpires, scorers, DJ etc tur ta boluntario. Di e manera aki lo tene e gastonan casi nulo pa por genera un mihor ajudo pa Echi. “Comision Speranza pa nos atleta” ta hasi jamada na henter e famia di softball pero tambe na tur otro deporte pa duna nan contribucion pasando na tereno den dianan ariba menciona cumprando un cuminda of softdrink. Pa diadomingo 21 di Februari lo tin alavez un cuminda. Aros con polly, chicken sate, salada y banana pa solamente Afl.13.50 pa plato. Ticketnan den pre benta ta obtenibel serka tur hungadornan di Pre Selecion masculino, hungadornan di Kibaima y tambe hungadornan di Royal Power y dimes serka tur miembronan di Comision. Comision speranza pa nos atleta ta invita henter pueblo di Aruba pa duna Bo aporte bishitando nos torneo desde 18 tur dia te cu 21 di Februari proximo. Ban hunto brinda un oportunidad pa Echi den futuro por ta riba tereno di bala atrobe hasi lokual tanto e ta gusta. Saka un man pa un ruman!!!!!