logo

Atletanan di BMX lo competi den e Disney Cup Fall Nationals na Miami, Florida

Despues cu e delegacion di BMX atende e campo di entrenamento na Tampa como tambe competencia di Gator Nationals Supercross Series na Olsmar, Florida, e atletanan lo tin nan proximo compromiso cu lo ta e  Disney Cup Fall Nationals, esaki di 23 pa 25 di october na Orlando, Florida. Mester menciona acerca cu e coredonan Zaithyel y Zyqion Soekandar, Jaymer Carolina y Shamil Figaroa lo permanece algun dia na Oldsmar pa asina keda entrena riba e pista di Supercross Series. Su siguiente siman nan lo sigui pa Orlando pa e competencia di Disney Cup.

 

Mirando cu tin careda di Challenge lo biaha tambe cu e atletanan cu ta forma parti di e desaroyo nobo di bike cross. Esaki sigur ta un bon momento pa esnan cu pa prome biaha lo competi na un careda internacional di taya. E deporte di BMX sigur ta den pleno desaroyo unda nos atletanan ta sobresali unda cu nan bay.  E mayoria di e coredonan di Aruba ta esnan mas hoben cu ta participa mei mei di e grandinan den nos region y continente. Asina mes semper a demostra e potencial cu Aruba por ta den e deporte di bicicleta.