logo

Atleta di landamento Allyson Ponson den campo di entrenamento na Bogota, Colombia

Despues di su clasificacion historico pa e Weganan Olimpico di Rio di Janeiro, Brazil, e atleta di landamento a sigui cu su preparacion. Actualmente e atleta Ponson ta na Bogota, Colombia unda e ta prepara su mes pa dicho weganan cu lo tuma luga den luna di augustus proximo. Hunto cu coach Valerie Eman y cu ayudo di Coldeportes, Allyson ta entrenando  pa adapta su mes na e haltura mientras cu e ekipo biomedico di Coldeportes ta realisa algun test medico cu e atleta. 

 

Una bez bek na Aruba, Allyson lo sigui entrena tur dia bou guia di coach di nos seleccion nacional Ismael Santiesteban unda e lo sigui cu su preparacion debido pa e Weganan Olimpico di Rio 2016. Aña pasa den luna di november  e atleta Allyson a bira e prome atleta di landamento den historia di e deporte na Aruba cu a logra un tempo oficial di clasificacion pa e Weganan Olimpico. Durante di e competencia Delfines del Naco na Republica Dominicana, Allyson a logra landa marca un tempo di clasificacion riba e 50m estilo liber.