logo

Aruba Tang Soo Do Shi Sun lo atende e Pan American Moo Duk Kwan/ Bi Sang Kwan na Puerto Rico

Diamars ultimo, BSBN Richard Vrolijk (3er Dan) a sali cu dos atleta di Tang Soo Do rumbo pa e Pan American Moo Duk Kwan/ Bi Sang Kwan cu lo tuma luga e anja aki na Puerto Rico. E evento cual ta consisti di un campo di entrenamento combina cu un torneo lo conta cu presencia di representantenan di Aruba, Brazil, Corsow, Chili, Mexico, Panama, U.S.A y Puerto Rico. Notable ta e presencia di e gran maestro supremo di World Moo Duk Kwan Tang Soo Do General Federation di Korea cu lo ta presente y gran maestro Pedro Vangas. Huntolo biaha e dos atletanan di Aruba cu ta Jermaine y Shadee Lampe. Ambos ta segundo dan den Tang Soo Do. Nan lo bay competi den combate,formanan y formanan cu arma. Tur esaki lo tuma luga na e Coliseo Jesus ‘Tito’ Colon na Orocovis, Puerto Rico.