logo

Aruba Soccer Academy ta invita muchanan entre 6 pa 13 aña pa un experiencia unico

“The Best Soccer Summer” ta con Aruba Soccer Academy ta caracterisa su camp di futbol pa muchanan di 6 pa 13 aña cu ta tuma luga di dia 18 pa 22 di juli. E ta bay ta un experiencia unico, un training fabuloso y hopi dibertido bao guia di profesionalnan di Hulanda y Aruba.

Muchanan entre 6 pa 9 aña di edad ta forma Team 1, y ta participa for di 9’or pa 11or di mainta. Team 2 ta e muchanan di 10 pa 13 aña, kende lo train di 3or pa 5’or di atardi. E trainingnan ta tuma luga na Compleho Deportivo Frans Figaroa na Noord.

Hunto cu e coachnan e muchanan lo siña diferente habilidad, pero tambe explora diferente tipo di futbol, manera competencia di Pana y Beach Soccer y tambe King of Penalties. Nan lo train mehoracion di defensa, ataca y velocidad; y lo ricibi coaching mental como tambe diferente trofeo pa cu competencianan durante e Camp. E parti teoretico ta wordo “getest” cu un quiz dibertido.

Aruba Soccer Academy lo provee un uniform, fruta y “sports drink” pa cada participante; y lo entrega un certificado di participacion na final di e camp. E prijs pa mucha ta Afl. 175.

Mayornan cu ta interesa pa inscribi nan yiunan por tuma contacto cu Aruba Soccer Academy na telefoon 592-5235 , via Facebook na Aruba Soccer Adademy of via email : arubasocceracademy@gmail.com