logo

Aruba Junior League representa pa Center League lo hunga e campeonato Latino Americano na St. Maarten.

E anja aki Aruba Center League tabata fuertemente representa den e baseball organisa pa Aruba Little League, tanto den Little League y Junior League nan a gana e derecho pa representa Aruba den exterior. Tur anja den e temporada di vacacion escolar nos basebolistanan di Aruba ta hunga baseball Little League den exterior esaki den e categorianan di intermedio, infantil, hubenil, senior y grandi. E biaha aki e Aruba Center League division di Junior lo bataya contra e mihonan di Latino America na St. Maarten.

Mester bisa cu nos muchanan ta cla pa bataya contra e miho basebolistanan den nos region. Aruba tin algun anja caba ausente den e mundial di baseball Junior League cu ta wordo teni na e ciudad di Taylor, Michingan y ta ora pa nos yega ey banda atrobe. No cabe duda cu Aruba sigur tin bunita recuerdonan di e anjanan cu nos peloteronan a hunga eynan. E seleccion di Center bou guia di Manager Sandy Roga hunto cu Coachnan Cedric De Cuba y Carlos Maduro a prepara nan mes debidamente pa e competencia aki. E peloteronan cu lo representa Aruba na St Maarten ta 1. Jeremy Kelly 2. Brandley Rincones 3. Sjeandrick Perez 4. William De La Cruz 5. Alexon Simmons 6. Carl Maduro 7. Wilson Mavares 8. Alan Provence 9. Glenrick Maduro 10. Derickson Lampe 11. Derickson De Cuba 12. Adrion Lacle 13.Rudmar Ras  y 14. Denver Werleman