logo

Aruba Judo Bond lo tene un competencia di judo na Eagle Club

Despues di un exitoso evento en conexion cu e celebracion di nos dia nacional Himno y Bandera na maart ultimo dilanti di e parkeo na Subway na Palm Beach, e federacion di judo, lo organisa un evento similar pero e biaha aki na Eagle Club na Playa di 6or pa 10or di anochi. E evento lo ta diasabra 25 di september. Un bes mas e participacion lo bay ta grandi unda ta spera riba 100 atleta, mientras lo bay tin combate den e categorianan 1 – 2 – 3, cadet, junior y senior. Mester  bisa cu na Aruba tin 5 club di judo den e districto di Tanki Leendert, Noord, Sta Cruz, Savaneta y San Nicolas y tur lo ta presente riba e dia aki. Den pasado Aruba a conoce varios representacion Olimpico manera Fiderd Vis, Javier Wanga y Jaymy Mata, atletanan elite renombra. E interes ta creciendo bou di mas mucha, y den e ultimo añanan, varios scolnan di judo a conoce un atendencia aceptabel.